الياسمين

موضوع: الياسمين الأحد 15 مارس 2009, 10:12 am

معزورين ، ولو عارفين حكايتى معاهو ،

تعزرونى لانو الما سقا الياسمين

ما بعرف غلاوة الند

ولا بعرف نداوة خد

ولا بعرف كلام العين .. ومعزورين

أريتكم مرة مرة شفتونى

وبينى وبينو بس خطوات

زى عابد وقف بيأدى فى صلوات ..

وزى والد همس لى جناهو بى دعوات

قولو على لو قايلين ..

معزورين ، وما عارفين

لانو الماسقا الياسمين

ما بعرف غلاوة الند

ولا بعرف نداوة خد

وما بعرف كلام العين .. معزورين

منو الفيكم بساهر الليل

يبارى سحابة لما تشيل

ويتبع نجمة ضواية مداها بعيد بعيد بلحيل

وقولو على لو قايلين

معزورين وما عارفين

لانو الما سقا الياسمين ،

ما بعرف نداوة خد

وما بعرف غلاوة الند

ولا يعرف كلام العين